Ano nga ba ang motibo ng isang waitress sa pag-antala sa date ng isang magkasintahan na kumakain sa restaurant na kaniyang pinagtatrabahuhan, matapos niyang itapon ang tubig na sana’y iinumin ng babae?
Hindi na lamang basta-basta nagtitiwala ang mga tao sa panahon ngayon. Ito nga ay dahil sa mga mapanlinlang na mga tao; papaniwalain kang mapagkakatiwalaan sila ngunit ang totoo, mayroon silang masamang balak. Marami na ring naging biktima nang mga panlilinlang na ito.
Isa na nga rito ang babaeng ito na nasa bingit na ng alanganin kung hindi pa umaksyon ang waitress na ito, matapos niyang pagkatiwalaan ang ka-date niya.
Sa isang video na kumakalat sa Facebook ngayon, na kuha mula sa CCTV footage ng isang restaurant, makikita na mayroong maitim na binabalak ang lalaking sa ka-date nito.
Matapos ngang dumating ng mga order ng isang babae at isang lalaki na animo’y nasa isang date, nagsimula nang kumain ang dalawa. Palagay at tila kumportable ang babae sa kasama nito, ngunit habang hindi nakatingin ang babae, sinamantala ng lalaking kasama nito ang pagkakataon at naglagay ng isang tableta sa iniinom nito.
Hindi niya ito napansin dahil nga nakatalikod ito noong mga segundong iyon. Subalit, hindi nakaligtas sa paningin ng isang waitress na ito na nasa counter ang ginawa ng lalaki. Naalerto ang waitress at agad na ipinaalam sa kasamahann nito ang nakitang pangyayari.
Hindi na nag-aksaya pa ng ilang sandali ang mga ito at dagling umaksyon upang iligtas ang babae sa kapahamakan. Nagkunwari ang waitress na hindi niya sinasadyang masangga ang naturang inumin na nilagyan ng tableta, dahilan nga nang pagkakatapon nito, upang mapigilan ang babae na inumin ito.
Habang nasa ganap namang iyong ang waitress, tinatawagan na rin ng kaniyang kasamahan ang mga pulis dahil na rin sa bantang panganib ng naturang lalaki.
Ilang saglit pa nga, dumating na ang mga pulis at agad na inaresto ang lalaki. Hindi naman naiwasan ng babaeng ka-date nito na magulat, sapagkat wala itong kamalay-malay sa mga pangyayari.
Ngunit, matapos malaman ang pagliligtas sa kaniya ng waitress at isang kasamahan nito, nakahinga ito ng maluwag.