Kinumpirma kamakailan lamang ng action star na si Robin Padilla na hiwalay na ang kaniyang anak na si Kylie Padilla sa asawa nitong si Aljur Abrenica.
Noong Miyerkules, Hulyo 7, nagkaroon ng one-on-one interview si Robin sa Kapamilya actor na si Ogie Diaz.
Sa naturang panayam, tinanong ni Ogie si Robin tungkol sa isyu na kinaharap nina Kylie at Aljur tungkol sa kanilang relasyon.
Saad ng aktor, "Una, walang sinasabi yung anak ko. Kasi yun naman, noon pa, lagi kong tinatanong si Kylie, 'Agrabyado ka ba?'
"O di naman daw, 'Okay lang ako Pa.' Tas ito, tinanong ko rin siya ulit, 'Anak, agrabyado ka ba?' 'Hindi pa, ako nakipaghiwalay eh.'" dagdag niya.
Ayon kay Robin, ayaw umano niyang makielam sa isyu ng mag-asawa.
"Wala naman papel ang tatay dun. Hindi ka dapat makialam. Away ng mag-asawa yun eh, may mga anak pa. Masakit syempre, sa akin."
Sa vlog, ibinahagi din ng 51-taong-gulang na aktor na may pagkakataon na tumawag sa kaniya si Aljur, ngunit pinili niya na ignorahin ito at sa halip ay nag-text na lamang siya dito.
Saad niya, "Tsaka syempre walang sakitang pisikal, ako yun lang naman sinabi ko kay Aljur eh. Kasi tumatawag sa akin si Aljur eh.
"Di ko sinasagot, minessage ko lang siya. Sabi ko, 'Isa lang ang gusto ko, tumigil kayo sa socmed, nakakahiya yan.'"
Ibinahagi din ni Robin ang kaniyang saloobin tungkol sa isyu ng hiwalayan ng dalawa.
"Ako, para sa akin ah, ang dalawang mag-asawa na hindi na nagkasundo. Hindi kayo dapat maghiwalay ng magkaaway. Bakit? Nagmahalan naman kayo.
"Nasarapan naman kayo pareho. Bakit kailangan kayong magkaaway? Dahil yung dahilan, nagtaksil yung isa?
"Eh tao ka, mangyayari't mangyayari yan. Hindi yan pwedeng hindi mangyari. Kalokohan ang hindi mangyari lalo na't nasa showbiz tayo."
Nang tanungin ni Ogie si Robin kung mayroong third party na sangkot sa hiwalayan ng dalawa, saad ng aktor.
"Meron daw eh. Imposible ba yun? Yan ang sinasabi ko kay Kylie, 'Lalaki yan.'"
Ayon kay Robin, naiintindihan umano niya ang nangyari.
"Natural! Sino ang maintindihan ko? Eh lalaki ako," he said to which Ogie commented, "At nangyari rin sayo yan."
Pagbabalik-tanaw ni Robin, "Ilang beses. Kaya lang, hindi na uso yun mga martyr na yun. Sinabi ko nga kay Kylie nung nag-usap kami, 'Lalaki yang asawa mo. Pasalamat ka nga alam mong lalaki eh.' Eh wala, hindi raw niya kaya."