'Simplicity is beauty', ika nga ng karamihan. Kung maganda na ang babae 'pag mayroong kolotete sa mukha, lalo naman kung simple lamang ang mga ayos nito.
Ang mga artista ay hindi lumalabas sa telebisyon ng walang make-up dahil na rin sa iba't ibang kadahilanan. Isa na rin doon ang magmukhang representable.
Kaya naman marami sa mga madla ang nacu-curious sa mga itsura ng mga artista nang walang kolorete sa mukha.
Mayroon na rin namang mga artistang nagbabahagi ng kani-kanilang litrato sa socmed nang walang make-up at fresh ang kanilang bare face.
Isa na nga rin dito ang Asia's songbird na si Regine Velasquez Alcasid. Ngunit, hindi lamang siya ang nagbabahagi ng kaniyang mga larawan. Kundi ang kaniya ring asawa na si Ogie Alcasid.
Ang singer-songwriter na si Ogie ay game na game na i-"flex" sa kaniyang socmed accounts ang litrato nila ng kaniyang asawa na walang ka-ayos-ayos.
Isa sa mga posts nito ang video ni Regine kung saan makikita siyang fresh na fresh at kagigising lamang habang nasa kama pa.
Marami naman ang na-inspire sa video na ito. Sapagkat hindi na-co-conscious ang aktres sa kaniyang bare-faced look.
Proud din niyang ibinahagi ang isang mirror selfie ni Regine habang nakasuot ng two-piece swimsuit.
"Flex ko lang itong nakilala ko. Lord please help me. @reginevalcasid."
Grabe rin ang pagka-kalog ni Ogie sa kaniyang mga Instagram post.
"Guysh, showta ko pohs. Nainlab akesh guysh," malokong caption nito sa isa nilang litrato ng kaniyang misis, habang nasa tabi ng kanilang swimming pool at mga nakapanligo.
Hindi rin naman pahuhuli ang dalawa sa paggawa ng mga tiktok videos. Mapa-comedy man, pagsayaw o pagkanta.
Sa isa nga nilang video, kung saan makikitang sinasayaw nila ang isang viral tiktok dance, hataw na hataw ang dalawa sa pag-indak.
Kinagiliwan namam ito ng nakararami at punong-puno rin ng good vibes ang dalawa.
Sa career naman ng dalawa, patuloy pa rin sila sa pgatatrabaho sa variety show na ASAP, na hanggang ngayon nga'y matatag pa ring umeere sa TV5.