Kamakailan lamang ay naging matinding usap-usapan sa socmed ang tungkol sa hiwalayan ng celebrity couple na sina Kylie Padilla at Aljur Abrenica.
Matatandaan na noong taong 2017 ay pumutok ang balita tungkol sa pagdadalang tao ni Kylie sa panganay na anak nila ng kasintahan at kapwa aktor na si Aljur Abrenica.
Ang pagkabuntis din umano ni Kylie ang dahilan kung bakit nawala si Kylie sa show nito noon na 'Encantadia.'
Dahil dito, marami tuloy sa mga fans ang naninisi kay Aljur sa pagk4matay ng karakter ni Kylie bilang si Amihan sa naturang teleserye.
Samantala, hindi naman mapigilan ng soap opera writer na si Suzette Severo Doctolero ang matawa sa komento ng isang netizen na sinisisi si Aljur.
Saad ni Suzette sa kaniyang scomed post, "Hahahaha… Wala lang. Tawang tawa lang ako sa post."
Sa naging panayam ng PEP.ph kay Suzette, natanong ang Encantadia writer kung posible ba na magkaroon ng Part 2 ang Encantadia kahit ngayong pand3miya. Tinanong din kung kasali pa din si Amihan sa kwento ng serye.
Sagot naman ni Suzette,
"Hindi kayang i-shoot yun ngayong pandemic. I don’t know if magagawa now or next year. Mahirap mag-shoot talaga. Ang Legal Wives na malaki ring show ay talagang inabot ng 5 lock-in."
"Yes, if ever [may part 2 ang Encantadia], kasama pa rin si Amihan," dagdag niya.
Samantala, hanggang ngayon ay nananatiling tikom ang bibig nina Aljur at Kylie tungkol sa naging dahilan ng kanilang hiwalayan.
Hindi din nagbibigay ng pahayag ang dalawa tungkol sa isyu na mayroon umanong third party sa kanilang relasyon dahilan ng kaniyang hiwalayan.
Ngayon ay abala si Kyle sa paglilipat at pag-aayos sa kanilang bagong bahay kasama ang kaniyang dalawang anak. Saad ng ilan ay ang paglilipat umano ni Kylie sa ibang bahay ay bahagi ng kaniyang pagmo-move on.