Si Angel Locsin ay isa sa mga pinakahinahangaang artista sa Pilipinas ngayon at tinatawag din ng marami bilang real-life Darna ng bansa. Marami ang humahanga sa kaniyang dedikasyon at kagustuhan na magbigay ng tulong para sa mga kababayang nangangailangan.
Kailanman ay hindi pa nakatanggap si Angel ng kontrobersiya tungkol sa kaniyang pag-uugali o pagpepeke ng kaniyang kagustuhan sa pagtulong sa kapwa.
Sa katunayan nga nyan, ang Kapamilya star ay matagal na ding activist at tumutulong sa kapwa nang hindi na ipinapahayag sa social media. Ginagamit lamang niya ang kaniyang platform upang magbigay update sa progreso ng kaniyang programa sa tuwing siya ay nagkakaroon ng donation drive.
Kamakailan lamang, isang direktor mula sa ABS-CBN Network ang naghayag ng tunay na ugali ni Angel at kung paano niya tratuhin ang kaniyang mga katrabaho.
Isa sa mga direkto ng hit series ng ABS-CBN na "La Luna Sangre" na si Lester Pimentel Ong ay inihayag sa kaniyang Facebook account kung ano ang ugali at kilos ng actress sa tuwing walang camera ang nakapalibot sa kaniya.
Ani Lester,
"Gusto ko lang share and experience ko working with this person. There was one time, isa sa mga stuntment namin got heavily injured, naputol ang pinakamalaking buto nya sa hita sa isang aksidente na hindi work related.
"Ang pobreng stuntman, naospital sa orthopaedic center ng mahigit isang buwan, ubos ang ipon at malaking chance hindi na siya makakalakad muli dahil hindi na niya afford ang mga susunod pang operation na kailangan gawin."
Dagdag niya,
"One late night ng konti na lang tao sa public hospital kung saan nakaconfine si injured stuntman, dumating siya kasama lang ang driver niya...kinumusta si stuntman, consoled his wife and mom, then asked the person in charge of the hospital how much was the accumulated bill at magkano pa ang kakailanganin para makalakad pa ulit si stuntman."
Ayon kay Ong, si Angel ang sumagot lahat ng gastusin sa pagpapagamot ng stuntman at nag-iwan pa siya ng pera para sa pamilya nito. Hindi din nakalimutan ng actress na magbigay ng mga positibong salita para huwag silang mawalan ng pag-asawa.
Pagpapatuloy ni Ong, "Siya si Angel Locsin, she is the real life Darna...hero sya kahit sa likod ng camera, kahit walang nakatingin at walang nakakaalam."