Tila handa ng isapubliko ni Scottie Thompson ang relasyon nila ng kaniyang asawa na si Jinky Serrano.
Mula noong lumabas ang balita tungkol sa kanilang kasal, ipinakita na ni Scottie sa kauna-unahang pagkakataon ang kaniyang misis sa kaniyang Instagram story.
Sa video na naka-upload sa IG story ng professional basketball player, makikita si Jinky na naghihiwa ng steak. Tinawag pa nga ito ni Scottie ng 'love' para makuha ang pansin nito at tumingin naman ito sa camera.
Matatandaan na naging malaking kontrobersiya sa social media ang pag-iisang dibdib nina Scottie at Jinky kamakailan lamang. Karamihan ay hindi makapaniwalay dahil inaasahan ng marami na ito ay ikakasal sa kaniyang longtime girlfriend na Pau Fajardo matapos ang kaniyang proposal sa huli nitong Enero lamang ngayong taon.
Dahil sa nangyari, nakatanggap ng kaliwa't kanang batikos si Scottie mula sa mga netizens. Gayunpaman, nagbigay naman na ng saloobin sina Scottie at Pau tungkol sa isyu at nilinaw ang lahat tungkol sa kanilang naging hiwalayan.
Si Earl Scottie Carreon Thompson o mas kilala bilang Scottie Thompson ay isa sa mga kilalang basketball player sa Pilipinas na naglalaro para sa Barangay Ginebra San Miguel na kabilang sa Philippine Basketball Association.
Elementarya pa lamang ay nahilig na si Scottie sa paglalaroo ng basketball. Ang pagkahilig niya sa naturang laro ay nagtuloy tulog kung saan siya ay naging bahagi ng Palarong Pambansa bilang kinatawan ng Region IX noong siya ay nasa High School. Siya ay napili din bilang isa sa mga magiging miyembro ng Nike Elite Camp.
Siya ay naglaro din sa University of Perpetual Help sa National Collegiate Athletic Association (NCAA).
Sa kabila ng mga batikos na natanggap nina Scottie at Jinky sa kanilang pagpapakasal, nananatili naman silang masaya at may pagmamahal sa isa't isa.
Sa kabilang banda, makikita naman na si Pau ay masaya na sa buhay na mayroon siya ngayon kasama ang kaniyang pamilya at mga kaibigan.