Si Ellen Adarna ay isa sa mga kilala at kontrobersyal na aktres ngayon sa Philippine showbiz industry. Sa kaniyang taglay na kagandahan, magandang hubog ng katawan, at husay sa pag-arte, hindi na nakakapagtaka kung bakit marami ang humahanga sa kaniya.
Gayunpaman, marami ang hindi mapigilan na magtaka kung ano nga ba ang hitsura ng aktres noong ipinagbubuntis niya ang anak nila ni John Lloyd Cruz na si Elias Modesto.
Sa kaniyang Instagram stories nitong Martes, ibinahagi ni Ellen ang kaniyang larawan kung saan makikita ang kaniyang baby bump bilang tugon sa tanong ng kaniyang mga tagahanga sa kaniyang Q&A session na nais masilayan ang kaniyang hitsura noong buntis pa lamang siya kay Elias.
Caption ni Ellen,
"Whale whale whale. What do we have here."
Makikita na kahit pa man buntis at malaki na ang tiyan, makikita pa din ang magandang mukha ni Ellen.
Matatandaan na isinilang ni Ellen noong Hunyo 27, 2001 ang panganay na anak nila ni John Lloyd na si Elias. Kamakailan lamang din ay ipinagdiwang ni Elias ang kaniyang ika-3 kaarawan kung saan may hiwalay na sorpresa sina Ellen at John Lloyd para sa anak.
Taong 2017 nang napabalita ang tungkol sa relasyon nina Ellen at John Lloyd. Gayunpaman, ang kanilang matamis at masayang pagmamahalan ay natapos noong 2019.
Ngunit kahit hiwalay na ay may co-parenting setup pa din ang dalawa upang mapalaki ng maayos ang kanilang anak. Hindi naman nagkukulang ang aktor na gampanan niya ang kaniyang tungkulin bilang isang ama kay Elias.
Sa panayam ni GR San Diego kay John Lloyd para sa Mega Magazine, sinabi ng aktor na nais nilang maging isang mabuting magulang kay Elias kaya ginagawa nila ang lahat ng makakaya para maibigay at mapunan ang lahat para sa anak kahit sila ay hiwalay na.
Aniya,
"Hindi siya ganun kadali. Parang pang pelikula lang pala 'yung nalaman mo parang, 'Maging tatay na ako!' Para sa akin hindi... to each its own. Baka naman sa iba, totoo 'yun and you can never tell kung 'yun ay totoo o hindi. Okay yan, 'yung nangyari sayo. Pero para sa akin.. We wanted it eh. Alam naman na namin na it was going to happen."
Para kay Ellen, si John Lloyd ay isang mapagmahal at mabuting ama para sa kanilang anak. Sa ngayon ay nasa pangangalaga ni Ellen si Elias at kinukuha lamang ito ni John Lloyd kapag siya ay may bakanteng oras para makabonding at makasama ito.
Si Ellen ay masaya na ngayon sa piling ng kaniyang fiancee na si Derek Ramsay.