Tweet ni Direck Erick Castillo Salud noong July 1, "So ayun nga. Lumipat nga ang isang aktres. Bakit kaya? Eh may project siya na nasimulan at na promote na prior pandemic. Talos say niya, di pa siya ready mag shooting. Ayun pala lilipat. AAAARTE!!! Naghihirap ba siya? Eh may big farm nga. Kaloka siya!!!"
At dahil sa maanghang na tweet na ito ni Direck Erick Salud mabilis itong nag trending. Sa ngayon ang twitter ni Direck Erick ay naka private na dahil sa viral tweet niya.
Ang tanong si Bea Alonzo ba ang pinatatamaan ni Direck Erick?
Pasaring ni Direck, nagtataka siya tungkol sa paglipat ng aktres dahil bago pa man mangyari ang pandemya ay may nasimulan na raw itong TV project sa dating kinabibilangang istasyon.
Pero nagdesisyon daw ang aktres na huwag itong ituloy dahil hindi pa umano siya handang mag-shooting. Ngayon pala ay lilipat ng network ang aktres.
Bagamat walang binanggit na pangalan si Direck Erick, mahuhulaang si Bea Alonzo ang pinatatamaan base sa clues na ibinigay nito.
Nakatakda sanang gawin ni Bea ang teleseryeng "Kahit Minsan Lang" kung saan makakasama niya sina Richard Gutierrez at Rafael Rosell.
Sa katunayan, noong September 2019 ay nakuhanan na ang ilang ma eksena nito sa isang Fishport sa General Santos City.
Pero makalipas ang isang taon, noong September 2020, inanunsiyo ng Star Creatives, entertainment production unit ng ABS-CBN, na kinansela n ang kahit Minsan Lang, dahil sa pandemya.
Pahayag ng Star Creatives," The nature of the material developed for (Bea) Alonzo cannot be accommodated at present because of the restrictive scenarios of shooting. Nonetheless, Star Creatives said it is looking forward to working with Alonzo again in the future."