Hindi napigilan ng komedyante na si Ai-Ai delas Alas na sagutin ang isang basher na kinuwestiyon ang kaniyang tahimik na relasyon sa asawa na si Gerald Sibayan.
Noong Linggo, Hulyo 25, ibinahagi ni Ai-Ai ang family picture nila sa kaniyang Instagram account. Sa nasabing larawan ay kasama ni Ai-Ai ang kaniyang dalawang anak na sina Sophia at Sancho. Kasama din nila ang fiance ni Sancho na si Shanna Retuya at fiance ni Sophia na si Vincent Bautista.
Sa comments section ng naturang post, isang netizen ang nag-komento tungkol sa agwat ng edad nina Ai-Ai at Gerald.
Komento ng netizen,
"Anong tawag ng mga anak mo sa asawa mo? Eh mukang matanda pa po anak mo sa asawa mo? Ask lang."
Bwelta naman dito ng Kapuso star,
"tawag ko sa asawa ko darl tawag ko sayo TAE HAHAHHAHAA G*G* U*L*!!!"
Kahit pa man nasa 29 taon ang agwat ng kanilang edad, kapansin pansin na hindi ito hadlang sa masayang pagsasama nilang dalawa.
Pinuna din ng aktres ang pagtanggal ng nasabing netizen sa display photo nito sa Instagram.
Ayon kay Ai-Ai, ang lakas umano ng loob nito para laiitin ang kaniyang asawa gayong "laki laki ng mukha mo parang kinagat ng ipis."
Saad pa niya, "nananahimik pamilya namin sa masayang dinner dami mong sinabi animal!!!!"
Pati mga anak ni Ai-Ai ay sinagot din ang netizen.
Sabi ni Sancho, "ako tawag ko kay @gerald_sibayan kumpadre... tawag namin sa mga katulad mo k*pal."
Komento naman ni Sophia, "Gerald. Sayo tawag namin epal"
Ngunit, tila hindi pa nakuntento ang netizen at nagkomento pa muali.
Saad nito, "Me msama ba kong sinabi ha? Nag tatanong lang nagalit na kayo kagad? Sus."
Hirit naman ni Ai-Ai,
"Masama ba mag sabi ng totoo na una ang laki ng muka mo pangalawa nanahimik pamilya namin tanong mo pang mal edukado."
Matatandaan na Disyembre 12, 2017 nang ikasal sa Christ The King Church sa Green Meadows, Quezon City sina Ai-Ai at Gerald. Ipinagdiwang nila ang ikapitong anibersaryo ng una nilang pagkikita nito lamang Abril 2021.