Kamakailan lamang ay inamin ng comedianne-actress na si AiAi delas Alas na siya ay naging isang kabit sa kaniyang naging karelasyon noon na pitong taon din nagtagal.
Ang pahayag naman na ito ay kinumpira ng Kapuso Comedy Queen sa isang video clip na in-upload ni Ricky Lo, na nagtatrabaho sa Philippine Star, sa kaniyang IG account.
Sa kaniya namang naging panayam sa mga entertainment reporters, sinabi niya na kahit kailan ay hindi magiging tama at sobrang bigat sa pakiramdam ang pagiging isang kabit.
Aniya, "Parang ang bigat-bigat ng buhay mo tapos parati kang malungkot."
Inamin din ng 54-year-old comedian na siya ay nagkaroon ng dalawang anak sa naturang lalaki.
Nang siya naman ay tinanong kung ano ang kaniyang mga natutunan sa pagiging kabit, sinagot niya ito sobrang mali na maging isang kabit at ito ay ang isang bagay na hindi dapat gawin dahil madami ang masasaktan at maapektuhan.
"Na masama maging Kabite City."
Sa dulo naman ng kaniyang pahayag, nagbigay si AiAi ng payo para sa mga taong kasalukuyang nasa ganoong sitwasyon.
Aniya na wag na nilang subukan maging isang kabit at kung maaari nilang maiwasan ay iwasan nila ito dahil para sa kaniya lahat ng mga sakit at hinanakit na hatid nito sa legal na asawa ay ganun din karami ang pagbabayaran mo.
"In general, siguro doon sa mga ano try niyo na lang na wag maging ganon."
Dagdag niya, "Try niyo na lang na wag. Kung hangga't maari kung pwedeng iwasan, iwasan na lang. Kasi sabi nga nila bawat pagpatak ng luha nung legal na asawa, 'yon 'yong pagbabayaran mo. So ako tingin ko marami akong pinagbayaran."
Ang Kapuso Comedy Queen ay mayroong tatlong anak na sina Sancho, Sean, at Sofia.
Noong December 2017, si AiAi ay nagpakasal sa kaniyang asawa na si Gerald Sibayan.
Sa kaniyang naging panayam noong nagdaang buwan ng Abril, kinumpirma niya na susubukan niya at ni Gerald na magkaroon ng anak sa tanong 2020.
Tags:
Celebrity Stories